2026 жылдың 21 сәуірінде №10 орта мектебінде Алматы қаласындағы AIK инновациялық колледжі (Бурундай филиалы) тарапынан кәсіптік бағдар беру

2026 жылдың 21 сәуірінде №10 орта мектебінде Алматы қаласындағы AIK инновациялық колледжі (Бурундай филиалы) тарапынан кәсіптік бағдар беру жұмысы жүргізілді. Аталған шара барысында 9 және 11-сынып оқушыларына Журумбаева Райгуль Кайнарбайевна түсіндірме жұмыстарын жүргізіп, колледжге оқуға түсу мүмкіндіктері туралы жан-жақты ақпарат беріп, талапкерлерге бағыт-бағдар жасады. Кездесу барысында колледжде ұсынылатын мамандықтар таныстырылды. Атап айтқанда, емдеу ісі, мейірбике ісі, стоматология, фармация, мектепке дейінгі тәрбие және оқыту, бастауыш оқытудың педагогикасы мен әдістемесі, құқықтану, аударма ісі, әр түрлі саладағы ақпараттық жүйелер мамандықтары бойынша білім берілетіні түсіндірілді. Сондай-ақ оқушыларға аталған мамандықтардың ерекшеліктері жан-жақты баяндалып, болашақ кәсіби бағыттарын дұрыс таңдауға кеңес берілді. Аталған колледждің филиалдарының бірі Бурундайда (Боралдай маңында), нақтырақ айтқанда Водник-1 шағын ауданы, 19 мекенжайында орналасқан. Колледжге 9 және 11-сыныптан кейін түсуге болады. Жалпы, AIK инновациялық колледжі – Алматы қаласында бірнеше филиалы бар, еңбек нарығында сұранысқа ие мамандарды даярлауға бағытталған заманауи оқу орны екенін атап айтып, Райгуль Кайнарбайевна сөз соңында оқушыларға алдағы оқу жолында сәттілік тілеп, дұрыс таңдау жасауына ізгі ниет білдірілді.