Халықаралық қазақ-қытай тілі колледжінен ағылшын тілі пәнінің мұғалімі Калкузова Клара Жанадиловна келіп, түсіндірме жұмыстарын жүргізді.

2026 жылдың 2 ақпан күні №10 орта мектебінде 9–11 сынып оқушыларына кәсіби бағдар беру мақсатында Халықаралық қазақ-қытай тілі колледжінен ағылшын тілі пәнінің мұғалімі Калкузова Клара Жанадиловна келіп, түсіндірме жұмыстарын жүргізді. Кездесу барысында "Халықаралық қазақ-қытай тіл колледжі" — бұл Қазақстан Республикасының Алматы қаласында тіркелген жекеменшік кәсіптік-техникалық білім беру ұйымы болып табылатынын, сонымен қатар Халықаралық қазақ-қытай тіл колледжі (IKCLC) – тілдік бағыттағы мамандар даярлауға маманданған оқу орны екенін айтып өтті. Колледжде студенттерге тәжірибелі мамандар сабақ бере отырып, қазақ, қытай, ағылшын тілдерін меңгертуге басты назар аударылып, оқу үдерісінде тілдерді тереңдетіп оқытумен қатар, заманауи талаптарға сай ұйымдастырылып, студенттердің тілдік құзыреттілігін, аударма және халықаралық қатынас саласындағы дағдыларын дамытуға бағытталғанын, білім беру және қызмет көрсету салаларында бәсекеге қабілетті маман болып қалыптасуына жағдай жасалатынын, колледждің басты ұстанымы – «Сапалы білім – сіздің болашағыңыздың кепілі» екенін, оқу барысында тәжірибелі оқытушылар заманауи әдіс-тәсілдерді қолдана отырып, білім алушылардың тілдік дағдыларын дамытуға бағытталған жұмыстар жүргізетінін, колледж түлектері болашақта аудармашы, тіл маманы, оқытушы, халықаралық байланыс саласының қызметкері сияқты мамандықтар бойынша еңбек етуге мүмкіндік алатынын атап айтты. Сөз соңында колледж маманы оқушыларға Тілді меңгеру – болашақта сұранысқа ие маман болып қалыптасудың басты кепілі екенін, сонымен қатар болашақ мамандықты дұрыс таңдап, білім жолында табандылық танытуға, алға қойған мақсаттарына жетулеріне тілектестік білдірді.