Ата-аналарға
2020-2021 оқу жылы бойынша
қамқоршылық кеңесінің қатысуымен өткізілген жалпы ата-аналар жиналысының хаттамасы
Өткізілген орны: «№10 орта мектеп» МКМ
Күні: 07.12.2020.
Жиналыс төрағасы: Мамажан Алия
Хатшы: Уразымбетова Гульмира
Қатысқандар: 98 адам
Күн тәртібінде:
1. 2019/2020 оқу жылының қорытындысы, мектептің оқу жылына дайындығы;
2. 2019/2020 оқу жылы бойынша бөлінген қаржының жұмсалуы және жаз кезінде жүргізілген жөндеу жұмыстары;
3. Қамқоршылық кеңесінің құрамы мен 2020-2021 оқу жылына жұмыс жоспарын бекіту.
Тыңдалды:
Күн тәртібіндегі бірінші мәселе бойынша директордың тәрбие ісі жөніндегі орынбасары Л.Аймаханова сөз алды. Ол 2019/2020 оқу жылының қорытындысы бойынша мектеп, аудан, ауыл көлемінде өткізілген іс-шаралар, ата-аналардың көрсеткен қолдауы жайлы айта келіп, мектептің оқу жылына дайындығы жөінде мәлімет беріп өтті.
Сөз алғандар:
Мектеп директоры А.Ержанова мектептің өткен оқу жылында жеткен жетістіктері ата-аналардың дұрыс қолдау тауып, тиісті шаралар қолдана білуінің жемісі екендігін атап өтті. Мектепте өтіп жатқан жөндеу жұмыстарына да ата-аналардың белсене қатысуы өз балаларының сапалы білім алуына жасап жатқан қадамдардың бірі екендігін айтып, алғысын білдірді.
Екінші мәселе бойынша қоғамдық инспектор Турымбетова М.Б. «Қамқорлық» қайрымдылық акциясы аясында мектеп ұжымынан жиналған 47 (қырық жеті) мың теңге жетім, аз қамтылған, көп балалы, жартылай жетім, толық емес отбасы және үйде оқитын оқушылардың қажеттіліктеріне жұмсалғандығы жайлы мәлімет берді.
Мектептің әлеуметтік педагогі Г.Батырбаева сөз алып, қамқорлық әлеуметтік қажет ететін оқушыларға көмек көрсетілгендігі жайында есеп берді. Мектеп ұжымының тарапынан: 2 «А» сынып оқушысы Құрбанбек Еркебұланға қыстық куртка, 5 «Г» сынып оқушысы Нодиров Шароға спорттық аяқ киім, 3 «Г» сынып оқушысы Подорожников Егорға спорттық аяқ киім, 5 «Ж» сынып оқушысы Шляпова Надеждаға спорттық киім алынды, үйде оқытылатын Алдонғар Ажар, Михайлова Дария, Пайл Абдиғали, Жалғасбай Мейрамбек, Винников Глеб, Бекенбаева Жайна, Қожахмет Мұхит, Кенжебаева Перизатқа оқу құралдары үлестірілді.
Қамқоршылық кеңесінің төрағасы: А. Мамажан 2019/2020 оқу жылы бойынша қаржылық қызметі бойынша есеп берді.
Директордың шаруашылық ісі жөніндегі орынбасары Б.Күлшекеева бөлінген қаржылар туралы мәлімет берді:
- Қашықтықтан оқуға байланысты көп балалы, аз қамтылған отбасыларға 10 ноутбук (бағасы: 161000теңге), 33 компьютер (114996 теңге), 14 планшет (76000теңге) тұратын электронды құралдар бөлініп, оқушыларға үлестіріліп берілді.
Есепші – М.Оразбаева, С.Туребаевалардың берген есебі бойынша 2020 жылы бөлінген 522000 мың теңге залалсыздандыру құралдарына, ағымдағы жылдың жөндеу жұмыстарына, шаруашылық заттары мен құрылыс құралдарына және концелиярлық тауарларға бөлінді. 922000 мың теңге жылу жүйесіне, электр қуатына, ауыз су және тәжірибелік үлескіні суғаруға бөлінді. 2027000 мың теңге абонименттік, интернет төлемдеріне бөлінді және 1885000 мың теңге қатты қоқыс қолдарын шығару, дезинфекция құралдары, компьютерлерге қызмет (картриджді заправкілеу), жөндеу жұмыстарына бөлінді. 4920000 мың теңге ыстық тамаққа және киімге бөлінді. Осы бөлінген қаражаттың 1332000 мың теңгесі қаңтар, ақпан, наурыз айларында ыстық тамаққа жұмсалып, актілері ауданға өткізілді. 2020-оқу жылында мектебімізге АСП алатын 54 отбасындағы оқушыларға үкімет тарапынан аяқ киім, сөмке, оқу құралдары берілді.
Үшінші мәселе бойынша директордың тәрбие ісі жөніндегі орынбасары: А.Коигельдиева қамқоршылық кеңесінің құрамы мен 2020-2021 оқу жылына жұмыс жоспарымен таныстырып, бекітуге ұсынды.
Сөз алғандар:
Қамқоршылық кеңесінің құрамы мен 2020-2021 оқу жылына жұмыс жоспары бірауыздан қолданып, қабылданды. Қалыс қалғандар болған жоқ.
Күн тәртібіндегі мәселелер толық қарастырыла келіп, төмендегідей қаулы қабылданды:
- 2019/2020 оқу жылында атқарылған іс-шаралар «Қанағаттанарлық» деп танылсын.
- «Қамқорлық» акция аясында жиналған қаржы 47 (қырық жеті) мын тенге дұрыс мақсатқа жұмсалғандығы расталып АКТ жасалсын.
- Әлеуметтік көмек қажет ететін оқушыларға көмек көрсету жыл көлемінде әрі қарай жалғастырылсын.
- Әлеуметтік жағдайды анықтау кезінде нақты мұқтаждықтары анықталсын
Жиналыс төраға Мамажан Алия
Хатшы Уразымбетова Гульмира