Алматы темір жол көлігі колледжінің мамандарының қатысуымен түсіндірме жұмыстары жүргізілді.
«Кәсіптік бағыт бағдар беру» жұмыстарын жандандыру мақсатында №10 орта мектебінде Алматы темір жол көлігі колледжінің мамандарының қатысуымен түсіндірме жұмыстары жүргізілді.
2024 жылдың 11 сәуір күні Кәсіби бағдар беру жұмысын жандандыру мақсатында №10 орта мектебіне Алматы темір жол көлігі колледжінің мамандарымен кездесу ұйымдастырылды. Оқушылардың мамандыққа деген қызығушылығын қалыптастыруға және болашақ мамандығын саналы түрде таңдауға көмектесуде түсіндірме жұмыстары жүргізілді. Алматы темір жол көлігі колледжінің маманы Бекенов Ильяс Амангелдіұлы өз сөзінде кәсіптік бағдар беру жұмысының негізгі мақсаттары мынадай деп - болашақ талапкерлер ішінен колледжге қабылдау барысында сапалы таңдау жасау, колледждегі мамандықтарды насихаттау, бітіруші түлектерді дәріптеу, жарнамалау, танымал ету, мектеп оқушылары арасында кәсіби бағдар жүргіздің жүйесін құру екенін атап айтты. Алматы темір жол көлігі колледжінің 2006 жылы ашылғанын және колледжге 9, 11 сыныпты аяқтаған түлектер түсе алатын айтып өтті. Бұл оқу орнының бір ерекшелігі емтихан тапсырмай, аттестаттың бағасымен оқуға түсе алатындарын да атап айтты. Сөз соңында Ильяс Амангелдіұлы түлектерге сәттілік тілеп, болашақта білікті маман иелері болатындарына сенетіндігін айтты.