Еліміздің рухын көтерген дара бала

Тақырыбы: «Еліміздің рухын көтерген -дара бала» 
    Іс-шараның мақсаты: Жас бүлдіршіндерді салауатты өмір салтын ұстануға насихаттау, спортқа қызығушылығын арттыру;
2 ақпан күні №10 орта мектебінде «Дарынды баламен жұмыс» жобасы аясында «Еліміздің рухын көтерген -дара бала» тақырыбында кездесу кеші өтті. Кездесудің алғашқы сөзі мектеп директоры Оқасова Жадыра Қасымханқызына берілді. Жадыра Қасымханқызы жас чемпионды құттықтап, ісімізге сәттілік тіледі.  Кездесу кейіпкері- мектебіміздің 1 «А» сынып оқушысы, 2023ж. джиу -джитсу бойынша  Абу-Даби қаласында өткен әлем чемпионатының күміс жүлдегері-Сағындық Аслан. Кездесуге  Асланның бапкері Бекмұрат Нұртуған Жұмабайұлы да шақырылды. Нұртуған мырза өз кезегінде әлем чемпионатын бағындырған дарынды шәкірті туралы жылы  лебізін білдірді. Кездесу барысында 4 сынып оқушылары да өздерін қызықтырған сұрақтарына  жауаптарын алды. Мектебіміздің дарынды оқушылырының қатысуымен концерт қойылды.
       Жоба жетекшісі Амирова Замира Ибрахимқызы кішкентай чемпионға «Дара бала» медалімен қоса, сертификат табыстады. Жас бапкер Нұртуған мырза  мектеп директоры атынан дарынды балаларды тәрбиелеуде қосқан үлесі үшін Алғыс хатпен марапатталды.Кездесу джиу-джитсу спорт клубының дарынды шәкірттерінің өнерін көрсетумен жалғасты.Тәрбиелік маңызы зор кездесу өте әсерлі және жоғары деңгейде өтті.